صرخة الشريه سلمى " القصه التي هزت ارجاء المزاحميه " [ المسابقه ]

كانت سلمى واقفه على بلكونة القصر , تفكر وتهوجس وتحش بداخلها وتحتطب وحالتها غريبه هالبنت , مايمر يوم الا وفيه شي يلعن خيرها ,, مره تنرفز ومره تروق ,
والكل يقول هذي سنه الحياة ,, لكن سلمى غير ,, سلمى الفتاة الجميله ذات القوام الدُبي ,, الي تسنه كمثرى , والشوشه الملويه تقل اسلاك شريط قديم لعلي عبدالستار ,, نطله ولد ماجن كان يبي يحس بالرومانسيه مير ابوه ماخلاه مردغه بالعقال لين تحفر بظهره كله عشان ما يقولون ولد فلان داشر وصايع وطواقيه تغطي اذانه ,, ولا خشمها ياويلي عليه تقل كيكه خامره في بيالة شاهي ,, ولا الشفايف تذكرك بالمطبات الصناعيه الي تمشي انت واهلك في امان الله ماتدري الا وواصلين للسماء والسنون تسنها وسايد الأولين من كبرها ولسانها فرشة الأوسكار من حماره ومتشقق لانهم نسوو الفرشه في الشمس مادخلوها اخزاهم الله
المهم ان سلمى بنت العز والنغنغه وجهها ماش حده عيشة في شقة لمصاريه مخيسه يلحطونها الليل والنهار بمكنسة الخوص , ويسوون قرصان .. وفيها ديك مايسكت جاب لعجوزهم المر والماغث
لكن الحظ لا قام قام , ساكنه بقصر طول المزاحميه مرتين ,, يهول من زينه ,, اشجار وفي كل مكان مسوين شجره بإسمها ,, عاد تخيلو هالوجه الودر له طريق اشجار كلها مزروعه بأسمها ,, ومسابح بأشكال وانواع , شي حلزوني , وشي سداسي , وشي مربع زي وجهها المروح , وشي مستطيل زي جبهتها الي تبرق .. غير المراجيح الي عندها ,, وشو مراجيح الا ملاهي بكبرها عند سلمى الدبيه ..
تقل شاقلتن ديزني بكبرها وحاطتها في قصرها , ولا غرفتها عاد ,, اووه بس كل سنه تغير اثاثها ,, معظم شركات الاثاث العالميه تزورها كل سنه وتسوي تحديث لبيتها
ومع ذلك ,, مازالت تعيش في تخبط ,, من تصبح لين تمسي وهي تحلطم ,, وسوو كذا وحطو كذا ,, كانت متكبره من زين وجها ,, وشايفه نفسها فوق مير اشو ان الخشم خانها ولاهوب زين عشان ماتكمل الأنفه عندها ,, والشغالات على قفى من يشيل تقل فاتحه مكتب استقدام في بيتها كللهم طقم تسنهم ترامس طباخات وشغالات لغرفتها ووحده لرجولها والثانيه لشعرها والثالثه ليدها كل شي في جسمها له شغاله عشان عناية الأميره سلمى ,,
جلست سلمى تفكر في حديقتها وتمشي بين الورود , مير احس ان الورد تحسف انه نبت عندها ,,
وكل وجهه كئابه على زود شينه , وتقول كل شي ناقصني وش هالعيشه ,, وتحوس بشعرها مير وهي تحاول تتأنث وتدخل اصابعها فيه تبيه يرجع نشب اصبعها وبالقوه طلع بس ما اكتمل كله جروح شعرها حاد ماارا ,,
جتها مديرة أعمالها اللبنانيه ,, وتراها لحجيه بس الزمن رفعها ..
عمتي سلمى هيدي بطاقة زواج للأنسه هيله , وبدها اياكي لتحظري شو إلتي ؟
نبدا تحضير لألك ولا ماحتروحي ؟
سلمى : مين هيلة ؟
مديرة الأعمال : ياعيب الشوم مدام سلمى ماعرفتي مين هيدي ؟ هاي رفيئقتك من لما كنتو زصغار ..
سلمى : ايييييييييه هيله البثره ام حبوب .. وقميص روز
مديرة الأعمال : شو يعني بثري وئميص روز ؟
سلمى : مالتس دخل .. عمتس طحنون ماقام ؟
مديرة الأعمال : ترد وهي محمقه وتصر على سنونها ,, مابعرف روحي شوفيه انتي ..
سلمى : هاااااااو تردين على عمتس بهالاسلوب وتهج مديرتها وتفصخ شحاطاتها الملكيه وتلزخها في ظهرها .. " الزمن طورها بالشكل لكن الاسلوب ماش "
عصبت سلمى بقوه وعصبت معها شوشتها واستشاطت ودخلت للقصر وراحت تقوم رجلها ..
طحنون حبي الاول والتعيس قم يلا
طحنون يرد بكل رأفه , سلمى روحي تراني بطرش منتس ومن شوفتس لاعمرتس تغنجين تقل جلي يمشي ..
سلمى تعودت على هالحتسي خلاص صار في داخلها شر ونار وتتكبر على الفاضي , ردت عليه وقالت تراك ماتهمني وبكلمه مني اقلعك من القصر على بالك ميته عليك
قال انا زوجتس ياحماره : قالت وخير ياطير زوجي في قريح ,, قطعة سعودي لاراح ولا جا , قال الله اكبر يابنت يوغسلافيا قالت ليته والله تسان ما اقابلك ياوجه الشؤم ,,
صرخ عليها صرخه رجوليه امتد صداها للقصر بكبره لدرجة انه بغى يجيهم زلزال اللهم ياكافي ,,
طلعت سلمى وراحت تدور على غرف عيالها الصغار المنسيين ...
وبعدين جلست تشوف التلفزيون وتفكر تروح للزواج ولا كيف ..
دقت على صديقتها منال ,,
سلمى : الو اهلين منال ,,
منال : هلا سلمى شخبارك ؟
سلمى : ابد والي يقابل هالرجال الشؤم يصير بخير
منال : يختي استحي على وجهتس عز ورغد واخرتها موقفه حياتس على هالرجال من زينه اسحبي عليه السيفون ودوري لتس واحد يطرح الطير من السماء
سلمى : ماودتس تعقبين .. ؟
منال : وانتي كل حياتس هواش اضحكي وتواضعي يامال الفقر < حاقده
سلمى : المهم يالي تسنتس رجلي ,, بترويح لعرس هيله ام حبوب البثره صديقتنا منول
منال : والله مدري مرسلتن لي بطاقه تسنها معروض اراضي وان رحت بروح كرامتن لهالبطاقه حسوفه يعنون بها علي ولا هيله ماجبت خبرها ..
سلمى : الله من السماجه الي فيتس , خلاص اجل بمرتس اليوم , تجهزي عالساعه 12 عند الباب ..
منال : ايييييييه طيب يلا مع السلامه ,
كل وحده سكرت ونفسها في راس خشمها ,, وقامو يتجهزوون نادت سلمى مديرة اعمالها الزعلانه وقامت تكلمها من طرف خشمها
وقبصتها سلمى على اسلوبها تقول لا تكلمين عمتس كذا
وحمقت يارا وحقدت عليها وقالت والله لا اقهرها ,,
طلبت سلمى منها انها تتصل على الكوافيير تجيها اليوم عشان تصفف العرادا وتسوي ميك اب للبرنسيسه سلمى القصيميه الروسيه الشريه
جت الكوافيره وجهزتها من لإلى ,, ولبست فستان احمرررر تقل ضاربينها بويه ,, والشعر منفوووش على أنه تسريحة بف ,, وجزمه ذهبيه
ولبست عبايتها وطلعت لمنال ,,
وهي بالسياره دقت على طحنون وقالت له انا طالعه للزواج وبرجع ع الصبح ورد عليها قال جعلتس الحادث لا ترجعين < اح
تفلت عليه من الحره وصكته ,,
وقالت الطلاق بعد ما ارجع ياولد الحصي مابقى الا هي ,,
وخذت منال وراحو للقصر ,,
وهم في الطريق يسولفون وسلمى جالسه تجهز روحها النفسيه للضحك والحش عشان يكمل الشين
ومنال علامات التعجب تقول موب من عادتس ياسلمى تطلع سنونتس وتضحكين قالت ماعليه يختي نتهيأ للعرس وشو ورانا
وقامت تجرب عليها نظرات تكبر ومنال تقول في نفسها اللهم حوالينا ولا علينا
وصلو للقصر وفتح لهم السيكورتي السياره ويااي يالله ينزلون الوحده تقل تمشي على اصبع " فيس يقول الله يخلي الكعب ولا تسان مراكض ويكمل الجلي صح "
دخلو وكل وحده ودها تطرش , من الي تشوفه وووووع مرره مو من مستوانا وش هالقرف كل الي هنا قوقو ,, وجت سلمى بتدق ع السواق لكن منال قالت لا تفشلينا انثبري ثبرتس الله
قالت وشو منال انثبر استحاله اجلس بهالقرف ,, قالت مجامله ياحماره بس .. قامت تأأففف سلمى وقالت يلا عشانتس بس ,,
ودخلت للقاعه وكل العيون عليهم كان شكلهم ملتف للنظر ,, مير سلمى بزودها ,, التكبر اتش عندها , وكل اللي فيه مستحقرتهم
جتها ام هيلة تسلم عليها سلمت من طرف خشمها ويوم راحت طلعت الديتول ومسحت يدها ,,
جلست تحش فيهم هي ومنال ,,
منال شوفي ذيك مررررررررره قديم لبسها وع شاريته من اسواق مكه ,, ام برتقالي شفتيها .. ومنال ايه ايه ياعمري وش هالقدامه تطورو العالم ماعاد احلى يلبس تنوره لف وشك ,,
وماتسمع الا كركرتهم ,,
وتمر من عندهم وحده عصلا قلم ولابسه فيروزي وسمرا تسنها وعد وتجي لم سلمى , قالت ماعرفتيني ؟
يا الله تغيرتي ياسلمى .. قالت ما اعرف احد بهالشكل ,, انتي متأكده انك انسانه اشك انك هندسه جايه تحضرين عرس ..
قالت اش بس وش هندسه اجل مثلتس يالمنقله ,,
وعطتها سلمى ذيك النظره الاليمه وقالت منقله يعني عمتك ! > طراه انها تاكل وعندها دراهم

انقهرت ام فيروزي لانها فشلتها وحست بحقارتها لها وراحت هالفرجار لمكانها وجلست منال تهاوش سلمى
لكن ياجبل مايهزك ريح ,, ماهمها احد ,,
شوي قامو يرقصون , والطقاقات متحمسين .. وجت ام هيله وقالت شوط خاص للشيخه سلمى ,,
مغصها بطنها سلمى وقامت تقلب معدتها وقالت والله ما ارقص ,, انا اخر عمري ارقص بهالاماكن تقل بارات قناة الذهبيه
المهم جتها ام هيله هي ورشرشها حلاة والله من سرقها وباع الي عليها كللللها ترتهش ذهب
وغصبت سلمى ومسكتها مع يدها وقامت ترقص معها رقص العجز وسلمى وجهها طقّم مع لبسها صار احمر
ماتت وهي تجامل واخرتها قالت خلاص بس والله تعبت يا خاله ,, وذيك تسنها اله ما تحس انتي يا ام هيله
خلص الشوط الخاص وقالو تفضلو على العشاء الله يحييكم
وراحو للعشاء وصار مكرونه وسليق وعلى الأرض
بغت تنتحر سلمى ,,
ومنال تصطفق
طلعو من القاعه وركبو السياره وجلسو يحشوون وكل وحده تقول انا الي قاهرني شلون قاعه ومكرونه وسليق ؟
قالت منال : سمعت الي وراي تقول ان العشا من اهل المعرسه والقاعه اهل المعرس وبطاقات معروض الاراضي منهم حساااااااافه عليهم ,,
قال استغفر الله بس الله يلعن الساعه الي رحنا له ,, ناس فقر ووجيه تقطع الرزق شلون برقد الحين
سكتت منال حامت تسبدها من هالغرور الي تعيشه سلمى
وصلن لبيوتهم ,
بدلت سلمى لبسها ,, وغيرت وتطهرت على قولتها ,,
وجلست تسترجع الي صار لها اليوم من قسوة طحنون ونجاسته هالنتفه ومن عرس الفقر والمظاهر الي كلت قلبها
نامت بعد جهد من التفكير العميق والحش الداخلي
وقامت الصبح ولقت طحنون خمران وحالته حاله وقامت وسحبته هي والشغالات وطلعته بالشارع < مزديه
يوم جا المغرب جاها وخذ عياله وقال انا بترك البيت لتس وبربي عيالي قامت تكركر سلمى ,
قالت انت يبي من يربيك تخمر الليل والنهار وتبي عيالك تربيهم ؟
قال بس عندي قلب ياشوشه , ماجاب لي ذا كله الا انتي ومنتس علي
انا مدري على وشو شايفه نفستس ,,
لا زين ولا اخلاق ولا شي
قالت اطلع برا عن بيتي .. اطلع ياحيوان ..
اكررررررررهك .. قامت تناشق سلمى ,, قال انا بطلع وبترك لتس البيت بس لحظه قبل ما اطلع بعطيتس هديه كنت سارقها منتس منول ويوم تكبرتي نسيتيها
يا المغروره العبده الكريهه
اسمعي هالشريط وتعرفين انتي وش كنتي ..
نطل عليها شريط مغببر ومتشقق ومصدي ,,
راحت تشغله ,, كان سرد لحياتها اول وامنياتها
كانت تسجل يومياتها فيه ,,
جلست تسمعه كانت تقول :
ودي اعرس واسكن في بيت حلووو وعندي بنات حلويين زي جارتنا الاردنيه بس مابي عيالي يصيرون شعورهم شهب زيهم ,
ودي بنطيطه انطط فيها وينتفش شعري ويروح على ورا ويجي على الأقل يتحرك <<
ودي اشتري ذهب كثييييير واغاير هيله ومنال ......... الخ
ياشين ابوي الفقير لو امي معرسه على تاجر صرت بنت تجار موب الحين بنت الجراديه مطبخنا شييين مرره وثلاجتنا الصفر والخضرا القديييمه الي كلها لصقات البقره الضاحكه ,
ولافيها الا زبادي خربان وكراث وعبوة موية من الشارع ,, وع حتى غسالتنا حقة الملابس سانيو القديمه البيجيه كل العالم تتطورت الا حنا تكسرت يدينا من كثر مانشقل هالثياب ,,
وابوي النجس يمشي ويطفي اللمبات ,, وان شاف لمبه وحده تشنج علينا ,,
واذا جونا ناس تفشلنا من مواعينا كلها ذيك الستيل ولاصحون اهلا وسهلن وفوط صباح الخير وبيالات السيف وبادريق وملاعق ذهبيه مصديه ,, ونفطر في صحون بلاستيك ششكوكه بقدرها وبيالات بادريق وصحن صوته تقل جرس كنيسه
اوووف اكرهك يالفقر متى نتطور متى متى متتتتتتتتتتتتتتى ؟
ليه كل الناس عندهم تلفزيون كبير وحنا تقل صعايده نتقاط في واحد ولونه احمر ولا يزين الا بسيم ولا سكينه وكم واحد من اخواني شفطه ليييييييه وفيه امل يصفى وفيه لا
ابي اروح للطايف والعب مراجيح زي صديقتي شقحا ,, كل يوم تروح فيها على الطياره ويلعبوون وحنا لا
وووووووووووو .... الخ
قامت تبكي سلمى بقوه وتصيييح تذكرت حياتها المأساويه ,, وكيف النقله الي صارت لها بس فات عليها كل شي سكرته بأقوى ماعندها كسرت الشريط وخبطت بالمسجل في الارض وهي تقول بااااااااااس خلاااااااااص يكفي انقلعو عني اتركوني بحالي

طس زوجها وخذ عياله ,, والشغالات كرههووها اكثررر وكل وحده قامت تسرق شي من البيت وتهج ,, وماعاد بقى الا هي لحالها ,, واخرتها صفت تعالج في العيادات النفسيه ,, جتها حاله نفسيه من الوحده والتناقض الي تعيشه ,,, وخسرت عزها كله عشاناه تكبرت على طحنون والناس الثانيه ,, وتعرفت على هندي واعرس عليها وحطو عرسهم في استراحة وادي لبن اكراما لها ولا كان يبي يحطه في البر بس تو الغرور ماخلص باقي نقطه منه وعاشت معه في البر مع الغنم لان اهلها ماتو كلهم ,, وعيالها مايبونها ,, وصار وجهها الحين يناسب لمكانها

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه
هههههههههههههههههههههههههههههههههههههههههههههههههه ههه




يوووووووه يا سلمى .. الله يلعن وجهك

اقسم بالله هالمخلوقه مابها شي صاحي إلا يمكن اسمها بس


بعدين مدري ليه احس اني شايف هالصنف من الناس واجد .. هذا هم بعض حريم السعوديه للأسف

فيهم شوفة نفس مدري وش عليه .. من تبدأ يومها احس يقوم معاها خمسطعشر شيطان .. تنكد على فلان .. وتسبّ فلانه .. وتحشّ بالشي الفلاني .. عمرها ما تخلي احد بحاله

والحركة الجديدة الحين الماسنجر .. لو تفتح سجل المحادثات حقات بعض البنات ..هذي سوالفهم .. والله اليوم شفت وما شفت .. وفاتك وما فاتك .. الحمدلله اني رجال
وياعزتي لك يا طحنون ههههههههههه من اسمك حظك طايح

بس والله ابدعتي يا كاريزم .. اقسم بالله موضوع ما يكفي له 3 ميداليات ذهبية وخمس فضيات و10 ميداليات تشكيلة برونز على نحاسية

والله صدز مرات الواحد يبي له شريط يذكره ببداياته وأيام اول

يعني يومها صارت مدرهمه وربي معطيها تكبرت على خلق الله .. لييييييييه بس كيدا
الفلوس ما تغيّر من الشخص .. النفسيه نفسيه معاه فلوس ولا ما معاه

الله يعطيك العافية كاريزم .. موضوع راااايق ويستاهل التووووووبيشن بعنف
ولا يكفيه رد من 7 صفحات .. موضوع قوووي من زمان ما قريت زيه في نصب


والذهبيه ماخذينها ماخذينها .. عاد انا بستلمها عنكم يا فريقنا .. وانتم كل واحد يحط برونزيه بحلدزه وتعالوا ناخذ صوره جماعيه

ههههههههههههههههههههه بارات قناة الذهبيه

هي مي بارات هي مراقص >> طلعت خبره

وبعدين وش فيها بادريق أنا أحب البادريق وباخشوين وما أحب أشرب شاي إلا فيها

موضوووع روعه يا سلمى كاااااااااااااااك


يعطيييك العافييية

وفالك الذهبية

ياطول هالقصة ، دخت و أنا أقرأ

أثاريه طلع شريط حياتها

والله طحنون هذا بيدخل الجنة اللي صابر عليها طول هالمدة

يعطيكم العافية قروب الموج و أخص كذلك أختي كاريزما

وبالتوفيق إن شاء الله

ههههههههههههههه انا قريت اولها وخقيت


احسه بيفوز هالموضوع
بس ان شا الله تصيرون على خبري
وفالكم البرونزي
لا يوخذ منكم


هههههههههههههههههههههههههههه بصراحة ما بعد فضيت للموضوع كامل
وراي اعصر مخي في موضوع للقروب
بس منشغل
شكل قروبنا مالهم الا النحاسية


بالتوفيق

بدآيتهآ حلوهـ


مآفيني حيل أكمل أقرآ


يعطيك العآفيه كآرزيمآ

السلآم عليكم ورحمة الله وبركآته

من زمآن وانتي مصرقعه ..من أيآم الـ BMW
شرشحتي سلمى بالموضوع هههههه
كسرت خآطري لآ مآضي زين ولآ حآضر
ولآنهآية عدله عيل أعرست على هندي

ومع ذلك ,, مازالت تعيش في تخبط ,, من تصبح لين تمسي وهي تحلطم ,, وسوو كذا وحطو كذا ,, كانت متكبره من زين وجها ,, وشايفه نفسها فوق مير اشو ان الخشم خانها ولاهوب زين عشان ماتكمل الأنفه عندها ,,

يعني الأنفه يبي له خشم سلة سيف هههه
الغنى غنى النفس .. موضوع ممتع وسرد مشوق
أرق الأمنيآت ~
.
.
أنــــ؟ـــآ

آلله يآزين قصتس

أتخيل سلمى تشبه لأبلة ألريآضيآت بأول متوسط . نفس ألموآصفآت سبحآن آلله

مير يآكثر أشكآلهآ عندنآ آلله لآيكثرهم . تجي آلوحده قبل مآتسلم عليتس تقز فستانتس يآربي لك آلحمد ,

احس إن طحنون كبده متفحمه يآلبيه . ووده يعرس ع وحده ثآنيه بس خآيف

بسس من جد لو أني من منآل قلعت أنقلعي وآلله مآعآد أطلع معتس
أحس منال ماتهنت بآلعرس مسيكينه


تسلم إيدينتس وآلله .. من جد إندمجت معهآ يآلبى قلبتس

ههههههههههههههههههههههههههههههههه
ههههههههههههههههههههههههههههههه
هههههههههههههههههههههههههههه

من جد موضوع حلو ومتعوب عليه

اجل اخر شي هندي
والله يا انتس كارهتن وحده في حياتس اسمها سلمى


من جد تقطيع تقطيع

ارحمي المسلمين

هههههههههههههههههههههههههههه
يبي لتس جلسة على كل مقطع


ان شا للله هالمرة تتعدون البرونز

أجل صفت عن هندي

يآربي ع هـ السلمى وربي تخيلتهآ

وع وش هـ الشكل الله لا يبلآنآ

ولا طحنون ذآ بالله إسم رجآل هههههههههههههههههههههههه

أمآ النقله الفوجآئيه من فقر لعز نقله مو طبيعيه مسرع نست الفقر

يعطيك العآفيه كآرزيمآ

يعني قريت الموضوع كله ترآ


وانآ مندمجه مع موضوعك طلع لي صرصور مدري من وين جآء