كان يا ما كان .. حكاية قبل النوم ((التحديث الثاني))

[align=center][align=center]طبعن تعرفون انكم بزران وما ترقدون الا على قصة قبل النوم .. وكانت تبدا بكلمة كان يا ما كان .. وبعد القصة بوسة على الجبهة ثمن تشاخرون
واذا شاخرتوا نصحّـيكم ثانية من الازعاج اللي تسببونه
تذكرون القصص الحلوة اللي كنا نسمعها وحنا صغار
العنز العنازية .. والسبع النباقات .. وسرور عقبك ما بالبيت نور .. ودويد ام الذبان .. وبنت السلطان وكانوا يسمونها عجزنا ( ... ) << اسم وصخ كانوا اهلي يسمونها وانحن سبايك ما نصيدهم ونقول عيب
عاد انا حبيت اقول لكم قصة من القصص اللي نسمعها وحنا صغار
اسمعوها بكل هدوء ثمن ارقدوا





كان يا ما كان
في قديم الزمان ... وسالف العصر والاوان
كان فيه فتاة سعودية اسمها ذات الرداء الوردي
وكان لها جدة كبيرة اسمها تست تو ..

تست تو كانت عبارة عن جدة ما تفارق سجادتها .. تصلي وتصوم وتوزي الحلاو تحت السجادة عشان بزرانها لا جو
وكانو بزرانها هم ذات الرداء الوردي .. وذات الرداء السهراتي .. وذات الرداء الكريزي

المهم وهي جاية بالطريق ومعها سلتّـا وتركض في الحديقة وتجمع ما كتب الله لها من قرقاص وحميض ...... وفقع

ما وصلت لبيت جدتّــا الا وهي معبية السلة وتبي توكل جدتها المريضة النايمة على السرير

يوم دخلت لقت الامير واقف يبغى يحب تست تو على خشته يحسبه الاميرة النائمة

ويقرب خشته ويحبه

الامير تسمم ونام جمب تست تو

جاء ذيب المنتدى .. الزين بالحيل ويطلع ذات الرداء الوردي برا البيت ويقول معليش يا خالة انتي داخله في مشهد مهوب لتس يلا يا خاله برا برا
ويشوتها (صورة طبعة رجل على قفاها )
يوم صفقت بالارض هي ورداءها الوردي .. تلفتت ناحية بيت جدتها تست تو .. الا ويجيها قلمها الوردي على جبهتها خخخخخخخخخخ

المهم ما علينا بالطويلة صكوا الباب في خشتها وينتهي المشهد

المشهد الثاني (الاحتلال)

الزين بالحيل واقف بعين حمراء يطالع تست تو ..
وتست تو متوزي ورا لحافه ويقول له
- تكفى لا تاكلني
الزين :- ورا ما تخليني مشرف
- طيب .. انت مشرف !
- هاه اقصد ورا ما تعطيني الموقع ونخلص
- طيب اصبر نتـ .. فاا .. ( وهنا الذيب يبلع جدتنا تست تو )

المشهد الثالث (ذات الرداء الوردي .. مع الجدة)

بعد ما لبس الزين لبس الجدة ونام على سريرها .. وخبا الامير النائم تحت سريره
فتح الباب للخالة ذات الرداء الوردي .. وقالت : جدتي جدتي ليش خشمتس احمر << مستعجلة بتقرا النص

- والله يا بنيتي انتس عفستي السالفة لكن بجاوب .. خشمي احمر من ذا الغبار اللي بالرياض والله اني ما عاد اقوى اتنفس
- طيب يا جدتي . ورا شعرتس اشقر وعيونتس زرق
- لا يا بنتي هذي عدسات ابي اتشبه الزين بالحيل
- جدتي جدتي ورا ما تلايطين وتخلصين المشهد بسرعة .. وتاكليني عشان وراي دوام بعد شوي <<< خخخخخخخخخخ خربتها قلم وردي
- والله يا بنتي انتس عفستي المشهد كل ابوه والله لو اننا جايبين زووم والا محيسن كان ابرك منتس
- طيب يا جدتي من جديد .. لماذا خشتس كبيرة
- عشان اكلتس ! !
ويهجم عليها الزين بالحيل عشان ياكلها
وهي تقول له .. هيه انا لحمي مر .. وترفع سيفها الوردي في وجهه

وهنا تقول : - انا دارية انك ناوي تاكلني ومزهبه اموري
- وش دراتس
- قارية القصة من زمان

يتدخل المخرج ببتعد بسكات وياخذ منها السيف بأدب
عاد هي ما تقول شي لببتعد عشانها تحسبه امريكي

المهم بلش بها الزين واكلها <<< يخرب عقله وش ذا البطن اللي اكل عضوين بيوم واحد
وحط الامير النائم تحت السرير برضو

المشهد المدري كم (ذات الرداء اليلكي السهراتي مع الجدة )
هههههههههههه اشغلتنا هالجدة

المهم دخلت عليهم ذات الرداء السهراتي واختصارن نقول سهرات
وقالت جدتي جدتي ورا رجلتس كبيرة ..
قال : عشان اشوتس .. بالله مصدقة ان جدتس تشبهني الله من الدلاخة
وبالظفر يمزعها .. وتصفق في الجدار وتدوخ ويبلعها
ههههههههههههههههه مشهد سهرات كنه مشهد سعودي في مسلسل مصري

المشهد اللي عقب المشهد المدري كم ( ذات الرداء الكريزي )

ودخلت الاخت الصغرى ذات الرداء الكريزي .. واختصارن نسميها كريزي

وقالت جدتي جدتي
قال الزين مقاطعن : نعم

قال كريزي .. ابد الله يسلمتس ورا ما تاكليني
قام الزين واكل كريزي

يوم اكل كريزي ويوجعه بطنه وتحوم تسبده

ويطلع اللي اكلهم كلهم

كلاكيت ..
كريزي ما كان قاصدها بس عقب بيتفلسف بيقول انا دهنت نفسي بودتس (ودك) عشان يبي يشبك بنات المنتدى

المهم يقوم تستوه .. بكل قسوة الظالم اللي ما يخاف ربه ويمسك الزين مع علباه ويعلقه بالمنتدى العام ويكتب على ظهره هذا جزا اللي يمزح مع تست
وتركوا الزين معلق بالعام والبدوية متلطمة وبلشانه به وضايقن صدرها وش تسوي بهالعومة
معاني المفردات = العومة : القلق = البثر = الغثيث (الزين بالحيل )

وحملت وكملت وذنيب الصغير دملت



وتختفي الشاشة وتصير سوداء على شكل الزين وهو متعلق



بعد العنوان
الامير النائم يصحى ويشوف الزين ويحبه قلبه

ويتسلق ويفك الزين من حباله ويعطيه بوسه (على خده )
ويجيه تسمم وينام ثانيه

ثمن يتحرر الزين بالحيل اللي يناظر نظرات شيطانيه

ههههههههههههههه شكل فيه جزء ثاني


الادوار
الجدة : تست تو
الذيب : الزين بالحيل
ذات الرداء الوردي : قلم وردي
ذات الرداء السهراتي : سهرات
ذات الرداء الكريزي : كريزي
المخرج : ببتعد بسكات
مشرفة العام : البدوية
الامير النائم : محسن لوكيشن

المشاهدون : نانا وشكولاته [/align]



يالله عاد انزلعوا وارقدوا وبكره تلقون ان شا الله الجزء الثاني .. يمكن في نفس الموضوع هذا
بس اهم شي ناموا بعد هالقصة


نوم العوافي
[/align]

[align=center]المشهد اللي بعد اللي قبل شوي

(ما بعد هروب الزين من التعليق اللي جاه )
احتفلت البدويه بهروب الزين واستبشر النصابين خير بعدم رجوعه

حاولوآ يصحون الامير النايم بس ماش مانفع فيه شي
واخر شي قرر تست ان اي عضوه تضحي بنفسها وتبوس الامير بتصير خليفته بالبتوعيه
ولاحياه لمن تنادي كلهم مايبون يقربون الامير بعد ماباس الزين (والله حتى بدون لا يبوس الزين .. محسن ما ينقرب صدقووووووني خخخخخ)

وانتشر خبر نوم الامير محسن

وعرف الزين بهالشي وطق في رآسه ابليس انه يتنكر بعجوز عشان يدخل نصب بسلام

لبس الزين ملابس العجز ثوب روز وسروال خط البلده ولبس بخنق (ترا مدري وشو البخنق بس اسمع به ) ودخل نصب على انه عجوز تبي الخير وتدور علاج للامير

الزين بصوت مبحوح زي العجآيز: وينه اميركم النايم .؟
تست وهو مو عآجبته هالعجوز: هذاني صاحي ولله الحمد <<< مصدق انه امير
- اقصد اللي تبون تخلوني بتاعة ان صحيته .؟
- وش تبين به ؟


الزين وهو يمثل الزعل :افا انا ياوليدي بس ابي الخير لكم (ويجهش بالبكآء )
قالت البدويه:والله ياتست على ان ريحه هالعجوز مخيسه لو تخليه تحت ابطها دقيقة وقسمن ان يصحى خلها تجرب ماحنا خسرانين شي وش دراها بس عن خطتي
اقتنع تست على طول وقال وديه يآ (وهج وآيت) < على وزن سنو وآيت

الزين وهو يمشي مع وهج وايت
الزين : انتي شبيهة سنو وايت
وهج :ايه يديه (يديه على وزن يا جده صدز عليكم كلام غريب) انا شبيهتها
الزين : انتي المفروض من السبعه اللي مع سنو وايت
وهج ووجههآ محمر من العصبيه انا مو قزمه.. ودوري احد يوديج عند الامير
ههههههههههههه لاحظوا بس يوديج .. امحق وايت .. الا وهجيك على وزن شريك
ترا وقسمن من غلاتس نمزح معتس يا خالتي
الزين يتكلم بعد ماراحت
فكه والله ماتوقعت تجيب الكلمه مفعول سريع

راح الزين ودخل على الامير النايم

وهو يطالع فيه
يالليل البلشه الحين ذا وش اسوي فيه
كف يمين وكف يسار
محيسن ماصارت نومه ترى القصه انتهت اصحى
والله الخبل صدق شكله عايش الدور صح

طلع الزين بعد ماسمع صراخ برى

تجمع كبير من اعضاء نصب

سذر تتهاوش مع عزيز

سذر : والله نفوز عليكم والنصر العالمي احسن من الزعيق
عزيز : زعق عليك غراب اصلا الحالمي خرطي وماتحطين مواضيع بالدكه كلها بقفلها لك


والمخرج ببتعد يصارخ بعد
ببتعد : انا كم مره اعلم اذا صورنا مشهد تمسك المايك زين لايطلع في الصوره
المربوش : طيب لاتنافخ لا اكمخك بالمايك الحين تراني حاط صفحه الباند في المفضله
ببتعد: وشو تهددني يا $%#$%#$

انفلق ببتعد وانحاش المربوش
الزين واقف بعيد وهو مستانس على اللي صاير


عاد الذهانة فيني
لازم استغل الموقف

رحت شريت لي كراش وببس وارسي وقعدت ابيع عقب الزحمة اللي صارت تحت الشمس
< اعنبو استغلال تسمع به >

جاء شايب للزين وطلب منه كراش
واعطيه كراش .. بس عطيته الواحد بريالين

قال : ياخي الكراش ذا ريحته مصنقة
فجأه
طلع تست بوجه الزين
انا اقول الريحه المصنّه ذي وش
انحاش الزين وماكان قدامه غير غرفه الامير النايم
ودخل ورآه تست وصك الباب

تستوه : الزين اطلع لا تتوزى .. ترا منيب مسوي شي
الزين : تراني داق على ناين ون ون 911 وبيوصلون في اي وقت <<< مصدق
تست : انا ادري انت منقهر لاني دايم افوز بالبلايستيشن

وهنا طلعت له من مخبأي من زود العصبية << يمديكم على مخبأي
الزين : نصاب انا دايم افوز بلا نصب عاد

ضرب تست الزين بقوه حتى تدحرج كالكره وصفق في سرير الامير الا والامير متشقلب

طلع صوت غريب
كح كح كح

- الامير : وجع من اللي طيحني

جميع العيون تراقب وسط الدهشه

الامير النايم صآر صآحي

تست : وشلون قام ذآ

ومآزآل محسن يكح

ويقرب منه الزين ويهبده على ظهره
وطيح شي من فمه على الارض

بصوت جماعي : وشو ذآ
عزيز : شكله طلع قلبه من هالهبده
محسن : مدري هذا الشي كان سآد حلقي مآقدرت اتنفس منه ذآك اليوم قبل ارقد
اشوا انه طلع .. الحين اقدر اخذ لي راحة شوي واغفي <<<<<<
تعبان من كثر النوم ما فيه ولا دقيقة راحة

انبطح الزين على بطنه وهو يلعب بسيقآنه قدام اللي طايح من فم الامير

وانبطح تست جنبه يشوف بعد

الزين : تشوف ياتست
تست : وشو
الزين : هذا الثالول اللي طالع بوجهي قبل اسبوع تذكره يومك تعيب علي وتقول انا ما امشي مع ابو ثالول
تست : ايه وانا اقول وش متغير فيك .؟ صرت بدون ثواليل
الزين :يعني رجعنآ اصحآب
تست : نرجع اصحاب بس بشرط
الزين: وشو
تست : تجيب بلايستيشنك للاستراحه
الزين : والله اني داري انك ما تخاويني الا عشان مصلحة وما سجلتني بنصب الا عشان مصلحة
وما خليتني اشارك بالمسابقة الا عشان مصلحة وما خليتني اكتب لك قصة بالحشاشين الا عشان مصلحة
- وش مصلحته
- عشان تنام على قصصي



ومآزآلوآ يتهآوشون

تصغر الشاشه
وتظلم بشويش

النهآيه

وانتهت القصة الثانية يا شباب وانزلعوا مره ثانية ارقدوا لا اشغلكم بالقصص
[/align]

[align=center]هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه
ه
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههه

الله يقطع كل عرق شر فيك>>تدعي لك

قسم بالله انك مقلع اعجبتني القصص بقراها لعيالي المستقبلين الي بيصيرون من اعضاء نصب 2020

اعجبتني الدخلات الغلط والافكار الغبيه والمصطلحات المتشعبكه >>خلاص ياماما لاتمدحين وقفي



انتظر بعمممممممممف باقي القصص بس عندي تساؤل مخول راسي

وش لهالموضوع بالمسابقه؟؟؟

مش المفروض انكم امس منزلين موضوع عليه الكلام بقسمكم؟؟

الأربعاء 3/6: موضوع بحث جماعي لكل فريق في قسمه حيث يتم فيه ابراز عمل كل عضو وتوضيح دوره في البحث .

الخميس 4/6: يوم تقييم الموضوع الجماعي + الشات الكتابي الأول الساعة 10 مساءاّ مضمونه رديات الشعر بين الفرق .

مقتبسته من رد زوم عشان التواريخ ,,

وموضوع الحشاشين

الثلاثاء 9/6: يوم الحشاشين ( يتم تسليم الموضوع الكتابي حول الصوره المعروضه يوم الأحد الماضي).

؟؟؟ هاه ماللزي يحدس؟؟ [/align]

بسم الله
نبي اليوم نقول لكم قصة عشان تروحون تنامون ..
اعرفكم ما ترقدون الا على سوالفي
وه يا ملحي
قصة اليوم ... تغيرة ( تصغير تغرة )

===========
كان يا ماكان .. في قديم الزمان وسالف العصر والاوان
كان فيه راعي غنم اسمه كريزي <<< يا حبي له قبلي ادخله في كل قصة
كان عنده خروفات كثيرات خخخخخخخخخخخخ
وكان من ضمنها عنز مسحورة .. تابعه لسذر ههههههههههههه
ما تنلام .. تلقون سذر هبلت بها

المهم كان كل يوم يروح كريزي بالخرفان .. ويرجع
بس في يوم من الايام رجع الغنم لحالهم

اثر العنز المسحورة كلته
وجت سذر تبي تربط العنز المسحورة .. قالت لها ( وش شايفتني ؟ منتدى النقاش الجاد يوم انتس تتحكمين فيني روحي لمنتداتس بس )
ارتاعت سذر .. وقالت وشلون تتكلمين
قالت العنز : هذي القصة
- طيب تراتس مروعتني وقسمن
- اها بس والله انتس انتي اللي تروعين يا سذر .. خاصة لا زعلتي

سذر رحمت العنز .. وجابت لها علف عشان تهدي اعصابها

خافت سذر وراحت تعلم اختها الكبيرة (الهنوف)
عاد الهنوف ذروقة .. اول ما جاها الخبر : قالت اصلن انا عندي بعثة فمان الله
سذر : اي بعثة الله يرجتس .. ما قدمنا لتس اصلن
- انا بطلع اشجع الهلال توه فايز .. <<< والله شجاعة
(كانت هذي اخر كلمة سمعناها منها .. وبعد ذلك لم نشاهد سوى غبار )

المهم راحت تعلم ابوها .. ملكع الذي كان يطالع التلفزيون .. ويتسلى بإدخال المفتاح في اذنه قليلا <<<< شغل شياب خخخخخخخخ

ما درينا الا قام ينتع
(شرح للبنات .. ينتع = السيارة اذا اشتغلت بقوة ثمن طفت )


قالت له : يبه يبه
- وشو يا ابنتي العزيزة <<< خخخخخخخخخخخ شكله يخاف منها
- عندنا عنز ساحرة
- وانا عندي ساعة تولع بالليل .. شاطرة بنتي يالله رحنا نرقد


ما صدقها
المهم سذر كانت شجاعة
وانحاشت


يوم جاء الليل
قالت العنز المسحورة .. خل نسميها تست تو <<< ودي ادخله بكل سالفة
امزح تستوه

قالت لملكع : وين اكلك معه ؟
قام ملكع في عز الليل
سلامات من ذا اللي بياكلني .. انا لحمي مر
- اها بس لا تحوس القصة .. خل اكلك
- ما يخسى الا انتي والله يا انا يا انتي بهالسالفة .. خل ارقد وانزلعي كلي سذر والهنوف
- بس انا ما ...
- الله ياخذكم انتم وقصصكم .. ما بقى الا هي .. تاكلوني خلوني انام بس


العنز تحاول اقناعه وهو مخربها
قامت العنز تدور على سذر اللي انحاشت وما ردها الا بيت الغول
خخخخخخخخخخخ اي والله .. ما ينفع للساحرة الا الغول
وش الله جاب سذر لهم


===========================
سنعود بعد قليل

=====================

جرب عصير بردقان الربيع .. فإنه طازج من البقرة إلى المائدة

======================
عدنا===========================

المهم وتوزت ببيت الغول ..
وكان بيت الغول كل شي فيه كبير
البيت كبير .. والملاعق كبيرة .. والصحون كبيرة .. والتتن كبير يشبع
حتى سواقهم كبير وخدامتهم كبيرة

المهم توزت تحت طاولة التلفزيون عشان الغول ما يشوفها

الغول اللي هو المربوش ... فتح التلفزيون
وقعد يطالع ويشرب ببس << لزوم الشوتايم
طبعن الببس .. اكيد يجي معه تغرة خخخخخخخخخخخخ

وما بغى الا تغرة وحده ... والطاولة تنكسر ويطيح التلفزيون على راس سذر
وتصرخ آآآآآآآآي
شافها المربوش : من انتي
انا امي ارسلتني لك
وش اسمتس .. ؟
تغيرة <<< تصغير تغره .. ما ودي اجيب الاسم اللي جابوه اهلنا ذاك ما ينذكر في منتديات
اللي يبي الاسم يدق علي على الرقم المجاني 800124n99b


حبها الغول على طول وقال بيعرس عليها
قالت اها بس ما بقى الا ولد دشير يعرس علي

وش دراتس اني ولد دشير ؟
اهلك مربينك على الببس وما تعطي ضيوفك

حاول يعطيها .. بس ما قدر .. الببس عزيز عليه

رباها احسن تربية .. ودرسها .. وقال لها : ادخلي كل غرف البيت الا الغرفة اللي تحت بيت الدرج

وصارت محشومة مخدومة بالبيت الكبير
وتقول للصحن .. يا صحن تعال .. يجي
يا اكل تعال .. يجي
يا اكل خلني اكلك .. يطب الاكل ببطنها


وقفة :
الحين بعد المعادلة اللي راحت ... وشو له تطلب الصحن
المفروض تطلب الاكل عشان تاكله والصحن ماله داعي تتبعه

بس اما انها نجسة .. والا اهلي لاقيني يوم يقولون لي هالقصة


كبرت تغيرة .. وصارت حرمة
واختها الهنوف ساحبة على الدنيا .. رايحة تدوج في دنياها

جاء يوم من الايام .. وتدخل تغيرة الغرفة الممنوعة
ويوم طلت مع الدريشة حامت تسبدها
وع
وش هالشين

شافت خشة ملاك .. ومعها العنز المسحورة
قالوا لها : يكبركي ويسمنكي وبكرة الغول ياكلكي

قالت : قولو قسمن


قالت العنز : وقسمن

وطلعت تغيرة من بيت الغول وانحاشت مع العنز وملاك

ويوم رجع الغول من الدوام .. قال :
حبيبتي تغيره .. فيه دانيت ؟
اعنبوه دوام اليوم تعبت وانا اعالج في انفلونزا الخنازير .. تاليتها طلع العلاج .. احطهم تحت ابطي ساعة .. ويكرهون ام الدنيا وساعتها

بس محد رد عليه
دور عليها ودور عليها

مالقى احد
نادى الصحن .. قال له يا صحن احد اكل بك اليوم .. ؟
قال الصحن : سلامات ؟ تراك تكلم صحن يالحبيب .. رح راجع مستشفى الصحة النفسية !

عرف الغول ان حبه الاول والاخير " تغيرة " غير موجودة
دور في البيت ما لقى الا شرابها .. تعرفون ان عنده حاسة شم اليم .. ما شا الله عليك يالمربوش
ولا كلب بوليسي

يوم لقى الشراب .. قال :
اجل بلحقها عن طريق شم اثارها


وياخذ شمة من شراب العايلة حقها
ويصكه راسه يصكه = صدّع ولا معه بندول

ومن عقبها وحاسة الشم عنده انضربت

عجز يلقاها ..


دخلت الهنوف عليه في بيته <<< شكلها صدز مخربتها ومنحاشه

قالت له : ورا ما تسوي عزيمة وتعزم كل هالدشير وتقوس الشراب عليهم



ويعزم العالم كلهم على عشر الليل
ويجون الناس كلهم
وكل ما جت الساعة حدعش رجعها على عشر خخخخخخخخخخخخخ
يبي يطول بالحفلة ويلقاها .. او انه مستانس عالحفلة

يوم خلصوا العالم ..
راح يدور على اللي رجله تناسب شراب العائلة حق سذر.. واعلن ان اللي رجله تناسب الشراب بيتزوجه


لقى كل القرية تناسب الشراب .. من اللي ما يناسب رجله شراب العائلة
واعرس عليهم حريمهم ورجالهم .. واللي يعيي لا يعرس عليه .. ياكله



وملاك والعنز وسذر راحوا ... كانوا عازمين بعض برنديفو .. وراجعين



وحملت وكملت ورجل الصغيّر دملت


يالله عاد روحوا ارقدو لا احوس مريركم
تعبت وانا اقص لكم

قصص قبل النوم .. مع تحيات ~ الوعد قدام ~

====================
كان يا ماكان في قديم الزمان
وسالف العصر والاوان
كان فيه مزارع قوي وجسمه معضل .. اسمه الزين بالحيل
اطخم وعيونن زرق .. صافي البشرة طيب القلب .. طموح .. يعمل بالنهار ويدرس بالليل .. ويكتب القصائد وكل الاميرات يحبونه << الى متى بتمدح عمرك يبو الشباب

وكان هذا المزارع الطيب المدعو .. كاراميل << هماه كان الزين
يكدح ويزرع ما شاء الله من حبحب وجح وبطيخ .. وانواع الووتر ميلون كلها

المهم مل من الجح ومن الحبحر ومن الشمام ..
وقال اليوم بغير وبزرع فاصولياء

راح لتويز ار اص وشرا له علبة "شجره الفاصولياء العجيبة"
تعرفونها .. الشجرة الي تسقيها اسبوع ثمن تطلع مكتوب فيها حكمة
مثل "البخل من مكارم الاخلاق" والا مكتوب "من راقب الناس ماتت امه "

صار يسقيها بالنهار .. واذا جاء الليل نام << قل قسم
مر اسبوع وطلعت الشجرة من القووطي اللي كانت فيه وصقعت بالسماء

وكان مكتوب فيها .. الاخلاق زينه .. بس تسلقني
ما صدق خبر هالمزارع كاراميل .. وتسلق شجرة الفاصولياء (هههههه سبيكة )

طلع وصل فوق هام السحب
ولقى هناك غووول كبير يروع .. اسمه الزين بالحيل
كانت عيونه زرق وشعره اشقر وجسمه معضل وكبير << اقرا المواصفات المكتوبة اعلاه

المهم يوم طلع كارميل فوق السحب .. قال الزين :
اشم ريحة ادمي <<< قرفان من ريحتنا هو وخياسه



توزى المزارع كاراميل .. في بيت الدرج
ولقى هناك دجاجة تتطاق مع الذبان اللي يمر من قدام خشتها وعصبية بشكل
وكانت ميزتها انها تبيض ذهب .. بس تتهاوش مع الكل .. وتقول قناة الاصلاح كويسة والشعب السعودي خايس وهالغول اللي اسمه الزين دايم ياخذ بيضي الذهبي
ههههههههههههههههه عرفتوها ؟ .. ترا نمزح وقسمن نعرف انتس عاقلة وتتقبلينها
قال لها المزارع كراميل .. وين باب الخروج لو سمحتي

قالت لها الدجاجة مدري البطة : اي خروج .. انا بلشت بلعبة تويز ار اص من قبلتس بعشر سنين .. وتسلقتها وشافني الزين وحولني دجاجة

قال كراميل .. الغول هو الزين لو اني داري كان عطيته باند محترم من المنتدى

قالت الدجاجة سذر .. رح للغرفة الثانية اللي جنبي وشف

طل في الغرفة الثانية
وشافت سنو وايت نايمه وجنبها وهج
قال لها كراميل .. وهج وراتس صغيرة ؟
قالت : حولني الزين الى قزمة لكن رح يالمزارع كراميل للغرفة اللي جنبي وشوف وش سوا الزين

طل المزارع كراميل في الغرفة الثالثة ولقى قرقور قاعد
قال له المزارع : من انت
قال : انا محسن .. يوم طل الزين بخشتي حامت تسبده .. وقال لي ريحتك ادمي من عرعر وانا اكره هالريحه وحولني قرقور

بعدها عقد العزم المزارع كراميل انه يخلص المضطهدين من ظلم الغول الزين بالحيل .. وجمع الجماهير خلفة .. من قرقور والقزمة والدجاجة

وراحوا يذبحون الزين وهو نايم
يوم قربو
قال الزين اشم ريحة ادمي <<< لا يزال قرفان من ريحة الاوادم

وقام وشاف خشة المزارع كراميل
قام حوله الى بنت ههههههههههههههههههههه


وحبس كراميل عنده
واول من خطبها زوجها اياه
واهداهم على عرسهم بيض ذهبي << لاقطه من الدجاجة
ويوم جابو ولد
ارسل القزمة ترعى الولد .. وعطا البزر قرقور علشان يلعب به


وحملت وكملت وذنيب الصغير دملت



بعد النهاية ~

جاء ديك وحب منقار الدجاجة وصارت سذر

واللـــــــه يالزين ..قسم الحشاشين انخلق لك خخخخخخخخخخخخ
و فكرة قصص قبل النوم المعدلّه عن الأساطير المعروفه ..خنفشاريه من جد!
__________________

بس طبعاً ماشوف موضوعك ذا يحسب من ضمن الأولمبياد ..لأنه مو في قسمكم

ههههههههههههههههههههههههه
ما تفهمين يا خالة
المسابقة مهوب بس انك تتقوقع في قسم واحد

يمديك على تتقوقع

فيه مسابقة لاطلق موضوع حشاش
ومسابقة لاحلى شعر واحلى مدري وشو

يعني بالعربي ميدالية على كل زاوية


وسالفة القسم .. راس مالها ثلاث ميداليات

الزين بالحيل
قرأت موضوعك وجاني النوم
شكلك متعود تنوم بزران عندك خبرة هههه
مير عندي بزر مهبل فيني اذا مانام كلمتك كككك

الا وش صورته اللي يوم الاحد ؟!!

بعدين احد يحط يوم الاحد صورة والتسليم يوم الثلاثاء ؟!! ما فيه وقت .. ايام دوامات
الموضوع هذا مجهزينه من زمان


بس ظروف قلم اخرت انها تنزله

روووووووووووح ياعمي انت اللي فاهم غلط

حست أم المسااابقه