phpMyVisites | Open source web analytics phpMyVisites

المنتــــــــدى من هـوونا
آخر تحديث : اليوم 1428 - تو دي (مهوب راضي يفهم انقليزي ) 2007
مهوب إشاعة...
زاوية يكتبها مصدر مسؤول سميك المستوى في كل أسبوع > ملكع

حسب ماذكر في احصائيات alexa للستة أشهر الماضية أن 5% من زوار نصب يتصفحون من الصين .. يعني لو الزوار يومياً 1000 معناه فيه خمسين صيني بينهم .. صراحة ماأدري وش جابهم مع أن مافيه ولا حرف صيني بالموقع كله .. لكن يضلون زوار غالين علينا وعشان كذا حطينا لهم جملة ترحيبية بلغتهم وإن شاء الله في القريب بنترجم لهم المقالات

حياكم الله بالصيني
 
 
 
الكاتب : عظيم الحب
 ندى طرطشلي وقناة الجرس

مايخفى عليكم من عنوان الموضوع وش راح أتكلم عنه ؟ .. لما تجيك وحده من أمثال ندى العجوز .. وتجلس تسولف مع بناتنا وتفتح المواضيع بكل راحة ( ووقاحة ) .. وبناتنا متقبلين الموضوع بصدر ومتفاعلين معها بالله ماتندبل تسبدك منهم .. الجدير بالذكر أني ماشفتها بيوم كاشخة ولا لابسه ماركة ؟ كل ملابسها أبو نص ..وبا الطبع أنا كتبت عن الملابس لأنها أكبر سبب يخلي المراهقات يتأثرون بالشخص  ( اللوك ) على قولة شباب هالايـام ( أووخص يالشايب ) ..الغريب أنها قاعدة تنصح وتتكلم وتوجه بعـد ؟ والبنات أشوفهم يفضفضون لها وداخلين جو معها .. ولو أني أبصم بالمليون أنه خبرتها بالحياه ماجاتها إلا من الملاهي الليلية وهالأمور البطالة .. والقهر أنها تقول سعودية ! اللهجة أكبر دليل على أنها ماهيب سعودية .. بس موضوع جنسيتها مانيب متأكد منه ..ولو أني أتوقع أنها كندية القهر أنه قناة الجرس بكبرها مالها داعي ..مرة جايبين لي واحد شاذ وقايلين لنا ( رقص  الذكر ) على قولة مقدمهم العلة اللي يرفع الضغط ! ومره جايبين لي هيفا وهبي بصور خليعة ( يالبى قلبها ) المشكلة أنهم يتكلمون عن حقائق صايرة بالمجتمع العربي فعلاً والمصيبة الأكبـر أنه الحقائق اللي تكلموا فيها طلعت حقيقتهم هم ومذيعات الغفلة اللي رازين فيهم ..فكانت النتيجة ..انحطاط فكري .. وكلام سفهاء .. وتوجيهات للمجتمع من أنزل الناس منزله فيه .

الكاتب : جون سلفر
 الحــريم أولاً !

نسمع دائماً عبارة( السيدات أولاً ) ولانعرف معناها.. وأيضاً يمبسطن النساء كثيراً لسماع مثل هذه العبارة.. ويعتبرنها من قبيل الاحترام أو هي كذلك .. ومما يخفى على الأغلبية أن هذه الجملة لها قصة .. قصة طريقة حدثت في أقصى الغرب والجملة بالأصل ( Ladies First ) أي السيدات أولاً .. وتقول القصة أن هناك شاباً من طبقة الأغنياء أحب فتاة من عائلة هي أقل من طبقتهم .. وأراد أن يتزوجها .. فرفض أهله هذا الأمر وزادت الضغوط على الفتاة .. فاتفق الشاب والفتاة على أن لايفرقهم إلا الموت .. وقررا الانتحار .. فذهبا إلى أعلى صخرة مطلة على البحر ثم أرادت الفتاة أن تقفز فمنعها الشاب وقال سأقفر أنا أولاً فلا أستطيع أن أراك وأنتي تموتين وفعلاً قفز الشاب من أعلى الصخرة وقام ( يطافش ) إلى ماغرق ولما رأت الفتاة هذا المنظر خافت .. ورجعت إلى البيت ( بالطبع لم تذهب لتطلب النجدة أو تأتي له بعوامة ) بل أخبرت والدها أنها عدلت عن الزواج بالشاب .. فتزوجت شاباً آخر من نفس طبقتها .. ( صدق نبيل شعيل .. خيانة وانتهت آخر سوالف عشقي المجنون ) .. ولما علم الناس بما حدث أصبحوا يقدمون النساء في كل الأمور .. ويقولون : ليدي فرست .. عاد لا أوصيكم ياعيال انتبهوا منهن .. لو تصيدك الهيئة أنت وخويتك في مكان عام تلقاها طوالي تسبك قدامهم وتهرب ..  ولو تقول لها بكرة ليش سويتي كذا ؟ تقول أنا بنت ناس ولي سمعة .. ليش وأنا ولد شوارع يعني ؟ ..

 الكاتب : ملكع  
 ليش العيال غرفهم وصخة وإذا نظفناها يزعلون ؟

هذا السؤال طرحته وحدة بعد مااندبلت تسبدها من أخوانها الوصخين (على حد تعبيرها) والحقيقة إن كل الشباب كذا غرفهم وصخة ومايحبون أحد ينظفها .. أو خل نقول محيوسة ومايبون أحد يرتبها .. لأنهم أكيد مروا بتجارب سيئة مع التدخل بالخصوصيات .. نرجع للسؤال : ليه الشباب مايحبون أحد يرتب غرفهم ؟ والإجابة هي أنكم ترتبونها ظاهرياً والصراحة أن ماتقومون به ماهو إلازيادة في التخريب ..أنامثلاً في ترتيب غرفتي

كم عدد الكنبيوترات ؟
هذي غرفة محسن اللي أنظف من غرفتي

أحط جهازي فوق السرير والسيديات تحته والكتب اللي أقراها باستمرار تكون فوق الطاولة الصغيرة بجانب السرير .. وفيه أوراق صغيرة فيها أرقام ومعلومات أكون محتاجها في وقت معين لذلك تبقى فوق الطاولة مع الكتب .. وإذا فيها أسرار أحطها داخل أقرب كتاب .. وأحياناً أتعمد بعثرة الملابس داخل الدولاب عشان أدس شي حجمه كبير .. إذا حطيته والملابس مرتبة بيكون بارز ..  وبأحد الأيام أطلع كم ساعة ولما أرجع .. ألقاهم لاعبين بحسبة الغرفة بزعمهم مرتبينها .. اللابتوب فوق التلفزيون .. والكتب في المكتبة .. وسيديات الأفلام بغرفة أخوي الصغير يحسبونها شرطان سوني .. والأرواق الصغيرة كلها بالزبالة .. ولما أحجر للشخص المسؤول عن هالحوسة كلها وأجي ألعن شكله يقول لي : ......... ترى بعلم أبوي عن اللي داسه داخل الدولاب   .. بالله أحد يلومني لو أدفنه حي   ..

الكاتب : رئيس التحرير ( ترك التتن )
 صندوق بريدنا

زوارنا الأعزاء .. وصلتنا اقتراحات واجد سواءاً في صدى نصب قولدن أو الرسائل الخاصة يطالبون بالتحديث الدوري للمجلة .. لأنّا أحياناً نقعد أسبوعين أو أكثر من دون تحديث .. وهذا اللي نخطط له .. وإن شاء الله مع الوقت بيكون التحديث يومي لذلك اللي يبي يصير من فريق العمل أو عنده استطاعة يكتب مواضيع على نمط مايُعرض في المجلة بشكل دوري قبل وقت صدور المجلة يمكنه مراسلتنا على رابط إجابة سؤال العدد وسيتم التنسيق معه عن طريق الرسائل الخاصة .

 

 سؤال العدد : في قديم الزمان كان هناك حاكم لإحدى المدن .. مشهور بأنظمته الغريبة .. وفي سنة من السنوات أصدر هذه القرارت :
1 - ممنوع أي شخص يحلّق لنفسه .
2 - ممنوع أي شخص يحلق عند أحد غير حلاق المدينة .
3 - أي واحد يزيد طول شعره عن 1 سم يُعدم .

ومرت سنة كاملة ولم يُعدم أحد .
السؤال الحين
حلاق المدينة كان في ورطة .. لأنه هو الشخص الوحيد اللي مسموح له يحلق للناس ولكن ممنوع يحلق لنفسه ! كيف نجى الحلاق من عقوبة الإعدام ؟

 

للإجابة على سؤال العدد أو إرسال مشاركة أووكبس [ هنـاااا ]

 

 

 

أدوات ملكع ف17

للتعليق على أي مقالة واردة في هذه الصفحة اضغط هنا  .

 

الإعلانات

موقع نصب لوكيشن أحد الداعمين لحملة المقاطعة

للإعلان هنا يمكنك مراسلتنا على هذا الرابط

اضغط هنا

الكاتب : راعي مسابقات وسواليف
 إجابات سؤال العدد السابق

سؤال الحلقة الماضية : في الصورة التي بالأسفل .. إلى أي جهة يمشي الباص ؟

* الإجابات :
* كاش كلش : الباص متجه إلى اليسار لأنه باب النزول ما هو في .. إلا إذا كان في دولة دركسوناتها يمين فحيكون متجه لليمين لأنه باب النزول هناك من اليسار كيف الفلفسة بس . ( صحح )
* ضاع ريالي : الباص واقف مو متجهه يمكن يروح على طول ويمكن يديور خخخخخخ . ( خطــأ )
* سيده شابوره : هذا الباص متجه الى موقع ماطري منتديات نصب الموهم انه رايح لموقع نصب . ( خطــأ )
* أنـ؟ـا : البآص متجه إلى الأمآم للمدرسه يودي الصوغننين ويآ الدآده . ( خطــأ )
* انـ غير ـا : امممممممممممم اتوقع والله اعلم انه متجه لليمين ، وهذي الاجابه قلتها بسبب خبرتي بسواقه ( خطــأ )
* الزول منيع :  تراااااااااااااااه <-- اقرها زي البزر لا جا يعلم على ولد خالته .. ترااااه راااايح لم نااااااصصصصب ( خطــأ )
* ملكع : نشغل الراديو .. والجهة اللي يطلع معها الأنتل يكون الباص متجه ناحيتها .. بعدين هذي سيارة خبز موب باص      
* كاريس : امم أكيد الباص راح يتجه من اليسار لليمين وذلك لأن العبارة مكتوبة بالعنترليزي متجهة من اليسار لليمين يعني غصب لازم تكون العبارة بنفس هذا وشسمه عشان الديزاين يعني لايخترب << نعنبو الذكاء ..بس اتحداكم تقولوا مو صووح . ( خطــأ
* عظيم الحب : والله أنا من وجهة نظري التسبيرهـ خلقه .. أتوقع ولا يهونون اللي بيجاوبون أنه الباص متجه يسار والي يخليني متاكد من ذالك الادله والبراهين اللي بحوزتي المصونة . ( صحح
* اسلوبي : من العايدين الحلوين الكويسين المتوفين المجاهدين في سبيل الله .. يتجة الى المقصبه ( المدرسة ) . ( خطــأ
* سهرالليالي:هو تبيس نصب ورايح جهة اليسار . ( صحح )
* ماجد الماجد : اذا كنت انا اسوق يطير. .. واذا كان محسن يسوق يمشي على جنب .. واذا ملكع يمشي على الجنوط <<يحلفوون ان ملكع بايعن الكفرات بحراج ابن قاسم  . ( خطــأ )
* جمره غلا : والله ياخي ماني شايفه الباص يتحرك عشان اقولك وين متجه .. هذا هو واقف ..لاتحرك بقولك (الباص واقف) . ( خطــأ )
* سميحه المليحه : الباص يمشي بالطريق الصحيح . ( خطــأ )

صفحات سابقة : 1 ، 2 ، 3 ، 4 ، 5 ، 6 ، 7 ، 8 ، 9 .