phpMyVisites | Open source web analytics phpMyVisites

 

المنتــــــــدى من هـوونا
آخر تحديث : السبت اللي فات 1428 - استر دي (مهوب راضي يفهم انقليزي ) 2007
مهوب إشاعة...
زاوية يكتبها مصدر مسؤول سميك المستوى في كل أسبوع > البتاع

قبل كم يوم صارت هوشة في جرافيكس نصب .. العربجية مزنة وخويتها سارة حشروا وهج . عشانها قالت لهم تصاميمكم خايسة ، عاد سارة مسوية فيها زعلت وراحت تحذف موضوعها .. أما مزنة قوية عين قامت تنافخ .. والمشكلة أن البتوعية ماعتبوا على الموضوع ولا كأن الدنيا قايمة هناك .. ( يحلفون أن بتوعيتكم يقمطون من البنات ) ..

  :: تصميم مزنة القناصة ملكة الفوتوشوب خخخ::
هذي الصورة اللي رسمتها مزنة .. كأنها من رسمات الموسوسين حقين الفن التشكيلي << بايخة صح ؟
الكاتب : د. أحمد - جامعة الملك سعود
 ماحلفتوني ياعيال

كنت قد ذكرت في احد مؤلفاتي انه لايمكن ان يجمع المرء بين (خطين جوال) الا وله نوايا (منيّله) وذلك تم اثباته من خلال احصائيات دقيقه على مجتمعنا ، ،فعندما ترى مع شخص ما (شريحة سوا + شريحه موبايلي) حطه في قائمة (الـ إحم إحم ) وفي هذا المقال .. بوضح لكم .. كيف ان صاحب هواية (تجميع شرايح) مهب كويس .. ذكر لي احد المقيمين (سردار خان -للامانه -) انه قد تلقى في يومين فقط ست مكالمات غزليه من شخص واحد .. وبارقام مختلفه من بنت ملكعه < مالها دخل بخوينا ويقول بعد .. انها لعبت عليه وخلته يشحن لها فالست مرات (محترفه ) وقالت له فالاخير انها نفس البنت وقالت "لاتفكر تغلط والا تسب لأن أولن الي خدعك (دلاختك) + (شركة الاتصالات) وثانين لاني ماسكه عليك صور ( ............... ) .. فاا من هالوقعه اللي ذكرتها نستنتج مايلي :
1 - صحة فرضيتي السابقه .
2
- انك لايمكن تفهم شي من دكتور جامعي .

الكاتب : متأثّر بالموقف 
 فتوى تبيح للرجل ...

بسم الله الرحمن الرحيم .. كلكم تعرفون سالفة الفتوى اللي مافيه جريدة ولا موقع ماتكلم عنها .. سببت ضجة إعلامية وفيه ناس - الله يهديهم - قاموا يسبّون والبعض الآخر زعل أنها جت في وقت نستنكر فيه على أصحاب الأهواء بعض الفتاوى الغريبة عندهم اللي ماتخش العقل ، وبعد أن تراجع العالم عن فتواه نقول لكم كما قال تعالى ( لا تحسبوه شرا لكم بل هو خير لكم ) .. إن شاء الله أنه خير لنا ، بدايةً العالم تراجع عن فتواه واعتذر ، والحاجة الثانية والمهمة .. أننا أثبتنا للعالم بفتح اللام أن اعتناقنا لهذا الدين ولهذا المذهب بالذات عن قناعة وأي شي نستنكره نراجع فيه ونسأل .. مانقول هذا الرجل وصل لمرحلة من العلم أن محد يناقشه ! كل الكلام يؤخذ منه ويُرد إلا كلام الله وكلام رسوله صلى الله عليه وسلم ، صحيح هو أعلم مني بس لازم يوضح لي .. ويجيب لي أدلة من القرآن والسنة النبوية .. وبعدين لما يتضح أن العالم ( بكسر اللام هالمرة ) أخطأ مايكابر بل يتراجع عن فتواه ويتوب إلى الله .. وبتصرفه هذا بيكبر في عيونّا ويزيد احترامنا له " كلنا خطّاءون وخير الخطائين التوابون " ..

الكاتب : صت صت هانمـ  
 نبي مثل حريم الصين .. وش حيثنا يعني ؟

 سيتم بناء مدينه بالصين للحريمـ ، طبعاً ماراح يمنع الرجال منها لكن بيصيرون ، تحت سلطة النساء يعني ولد أمه ألي يقول لا ، سيتمـ بناء مدينه بالصين للحريمـ .. طبعاً ماراح يمنع الرجال منها لكن بيصيرون ، تحت سلطة النساء يعني ولد أمه ألي يقول لا ، أي أمر من ست الحسن والدلال لازمـ يتنفذ فوراً ، الولايه لهن وحدهن ، انواع الفله ياحريمـ من الأن أقول لكن الي تبي مكان مناسب ، لشهر العسل تحجز فيها مع المغلوب على أمرهـ وهيصن هناك ، أما السي سيد الي بيتعنتر فيها ويتجراء يرفض الأوامر ولا يهين أي وحدهـ أحسن له يتشهد ، لأن في تلك المدينه المزعومه قوانين صارمه للعقوبات ضد الرجال ، يعني وحدتن زوجها دابلن تسبدها تلعب عليه وتسحبه معها سياحه لهناك وتاخذ حقها وزيادهـ ،لكن ماأظمن لها وش راح تكون ردة فعله اول ما يطلعون من حدودها واللـــه ياذا الصينيات بيفلونها هناك .
* أشك في نجاح هذهـ المدينه ..!! لان أغلب الحريمـ ما يحبن الرجال الكمخه ، ومستحيل رجال يطب فيها ولايسمح لحرمته تفكر أصلاً ، وبعدين من الرجال الي بيساعد في بناء هذا الصرح الحريمي.
مراسلتكم من نهر اليانجستي بالصين / صت صت هانم

   

 

 

بلا ربيع بلا خرابيط .. الطخمة اللي يسار شسمها :خاف:

   أويلاه يالربيع

الكاتب : رئيس التحرير
 صندوق بريدنا

 حبايبنا النصابين .. نفرح والله بمشاركاتكم وودنا نعرضها كلها .. لكن البعض يكتب مواضيع ماتصلح للمجلة .. اقروا وش كاتبين زملاءكم .. وحاكوهم .. لحد يجيب أخبار سياسية أو قصة نصها ( ههه ) والباقي ( خخخ ) .. لاتكثرون من هالشغلات وأبشروا باللي يرضيكم ..

* سؤال العدد :  في التقويم الميلادي بعض الشهور فيها 30 يوم وبعضها فيه 31 يوم .. فأي الشهور فيه 28 يوم ؟

للإجابة على السؤال أووكبس [ هنـــــاااا ]

 

مجلة النصابين العرب

تبي تشارك معنا في المجلة ؟ اضغط هنا واكتب مشاركتك بدون مقدمات ، وفي آخر المشاركة اكتب الاسم اللي تبي المشاركة تنعرض به  .

 

الكاتب : راعي مسابقات وسواليف
 إجابات سؤال العدد السابق

سؤال الحلقة الماضية : معاك عود ثقاب واحد في علبة كبريت ، ودخلت غرفة مظلمة وباردة تحتوي على مدفأة تعمل بالخشب ولمبة كيروسين وشمعة ماذا ستشعل أولاً ؟
* الإجابات :
* صغيرونة نصب : امسك اللمبة الي فيها كوريسن<<الا وش ذا  وارميها ع المدفاءة واشغل الكبريت وبعدين اشغل الشمعة <<بسم الله عليكي . ( صححح )
* مـرجوجـه : الشمعة .  ( خطــأ )
* خرمانة قهوه : اشغل اللمبة . ( خطــأ )
* مزنـه القنـاصه : والله شكلي بولع اول المدفئه بعدين بشوف .. لي صرفه مع الكبريت والشمعه ..اما لمبه الكيروسين بتبرع بها لابله العلوم
.. غثتنا وهي تشكا من هالوزاره  <<الوزاره ولا انتي الي ماعندك ماعند جدتي >> والله يخلي لنا وزاره التربيه والتعليم ويديمهم فوق ريوسنا انشالله .. يالله انشالله اربح الجايزه عشان ابني لي بيت . ( خطــأ )
* الزول منيع : اقول ترا مادري وش السالفة ، بس عرفت الجواب وتحمست ، ايه بس بقول انووه يشغل عود الكبريت اول شي . ( صحح )
* سهرات : احم احم ، بشغل المدفأة اكيد ، ضوءا كتير كتير و دفا
. ( خطــأ )

سوري تأخرنا في هالعدد بسبب تصحيح الأوراق .. وتم استبعاد إجابات الأعضاء اللي مشاركاتهم صفر واللي كاتبين بقلم أحمر .. هذا اللون للأستاذ بس .  

صفحات سابقة : 1 ، 2 ، 3 .