phpMyVisites | Open source web analytics phpMyVisites

 

المنتــــــــدى من هـوونا
آخر تحديث : الربوع اللي راح 1428 - يستر دي (لوح انقلينزي) 2007
مهوب إشاعة...
زاوية يكتبها مصدر مسؤول سميك المستوى في كل أسبوع > ملكع

وزيرتنا اللي اسمها ( أنـ؟ــا )  .. يقولون اسمها الصدزي وهج ( ترى قلت يقولون ماأحط في ذمتي شي ) .. دافورة بالتصميم .. وتعرف ترسم الأبلات بس مشكلتها اتصالها خايس .. يوم يشبك وعشرة مقطوع .. قلنالها ركبي أوربت وحولي الفاتورة علينا بس عيّت .. بالله وش نسوي فيها ؟ خلوها تخلص دروسها بأكاديمية النصب ونوريها شغل الله .

 
هذي وحدة من الصورة اللي رستمها وهج .. تقول أنها أبلتهم   أويلااه بس لو هذي تدرسني والله ماأغيب لو أجي زحف للمدرسة
الكاتب : الولد المؤدب
 يوميات واحد مؤدب
إنا إنسان حياوي بطبعي ، خجول جداً جداً .. بس فيني صفة ماهي كويسة كل مادخلت المنتدى لازم أشيّك على سوق الحريم الولد المؤدب وهو داخل بسطة الفتيات

 وأحياناً يعجبني موضوع هناك ، وأجي أرد بعدين أقول .. لا لا ياولد أخاف يحسبوني أتميلح .. طيب أنا صدز أتميلح .. إيه صح أبي أتميلح بس ماأبي أحد يدري ..

بعدين بصراحة وبكل تجرّد وشفافية .. يحق لي أتميلح .. يعني لابس نظارة مراية .. وفنينة ضيقة .. وسكسوكة وزقارة .. مابقى إلا أركب مستنق وأطلع يدي مع الدريشة وأصير راشد الماجد .. صدز على طاري راشد الماجد .. وش قصة برنامجه اللي أزعجونا بإعلاناته في الإن بي سي إف إم .. ترى ماعندنا تلفزيون .. يستاهل أروح لمقهى أتابعه ولا لا ؟

الكاتب : المذيع اللي دايم يطلع بالأخبار ويتبوسم 
 راديو نصب

 قبل فترة البنات أزعجوا الإدارة يقولون يبون مجلة خاصة فيهم .. والإدارة ماقصرت عطتهم مساحة وركبت لهم مجلة ووزعت عليهم يوزرات .. ماباقي إلا يكتبون مواضيع .. ومع ذلك ماعندك أحد .. قعدت المجلة شهر بدون تفعيل وحذفها الحنون يقول محتاج مساحة بيرفع أفلام خخخ ..

أما حنا يالشباب وش زينّا .. أول ماعطونا المجلة فعلناها وشدينا حيلنا .. حتى مانكتب بنكاتنا في المنتدى .. نحتسب الأجر ( إلا مايبون أحد يعرفهم يخافون ينجلدون خخخ ) .. بس والله طلعنا رجال وقدها .. ومن باب المنافسة الشريفة فتحنا المجال للكل يشارك .. من دون النظر للعرق أو الجنس أو اللون ..

 

هذا مدمنوه ولسان حاله يقول : وش بصير في المستقبل ؟ شنطة ولا جزمة ؟

الكاتب : أحمد راتب  
 أبو الهول والأهرامات ونيويورك وأشياء أخرى

 * هذي سوالف محد بيفهمها إلا اللي يخاوي مصارية .. فيه حلاق مصري دايم دايم لاحلقت عنده أسولف معه .. وسوالفه كلها مصر أم الدنيا .. مصر أقدم حضارة .. إحنا أقدع ناس .. بس من جد من خلال متابعة المصارية على أرض الواقع أو على شاشة التلفاز تلاحظون فيهم وطنية بزيادة .. ويحبون ديرتهم ويحشرونها في كل سالفة ..

مرة دخلت على موقع يتكلم عن الآثار .. واحد جايب صور أبو الهول وربعه اللي حصولهم داخل الأهرامات .. يقول هذول هم الأنبياء .. وكاتب تحتهم أسماء الأنبياء ( استغفر الله ) .. يقول ( يبا الفيت ) أن الفراعنة يعرفون كل شي .. وأنهم رسموا كل الأنبياء من آدم إلى عيسى عليهم السلام .. وحاط صورة جرّة وكم حبل وكفرتين ويقول هذي آلة الزمن اللي يستخدمونها للذهاب إلى الماضي والمستقبل ( هذي عاد مالها مطار ) ..

 

* بعد حلقة هالة سرحان اللي استضافت فيها البنات اللي يسوون شسمه .. طلع محامي يشبه صورة فرعون المنتشرة بالنت .. يقول دي شوهت سمعة مصر وبرفع عليها قضية .. عاد يوم استضافوه جاب تاريخ الفراعنة خخخ .. وقال كلمة مصر مزكورة في القرآن حوالي ( تلت ميّة وخمسين مرة ) .. الظاهر أبو الشباب يقصد الإنجيل ؟  ..

 

* مرة كان يسولف علي الحلاق .. قال : إنتا عارف نيويورك ( يقصد تمثال الحرية ) ؟ دي كانت مصرية بس الملك فاروء إداها للأمريكان .. الله يلعنو ..

  أبو الهول - الجيزة

هذا محسن ممبطح على بطنه وهو يتفرج على التلفزيون

   

وهذي نيويورك على قولة الحلاق خخخخ

الكاتب : البتــــاع
 صندوق بريدنا

 هذا الجزء من كل صفحة في مجلة نصب بيكون جسر تواصل بين الزواء وإدارة الموقع متمثلة في العمدات والبهوات والبتوعية .. وإذا ماوصلنا مشاركات تستحق النشر أو كان الأسلوب مال أمه داعي بنحط لكم صورة محسن هنا ..

 

 

 

تبي تشارك معنا في المجلة ؟ اضغط هنا واكتب مشاركتك بدون مقدمات ، وفي آخر المشاركة اكتب الاسم اللي تبي المشاركة تنعرض به  .

 

الكاتب : راعي قفطات
 ردة فعل الأعضاء بعد هزيمة الهلال أمام الأهلي

نصاب بقوة : اه ه ه ه ه يا اهلي ون تو علمتوو ون توو جنننتوووو ابغى اعرف ايش عذر الهلاليين اليووووم مع سلاامه بيباااااااااااااي يلانجليزي قد بااااي الف مبرووووووك ياهلاويه وعقبال الكاس ياحرااام وربي كسرتوو خاطري .

%*نصابه 2006*% : مبروووووك لكل الاهلاويين مبرووك عليناا الفووز وحناا قدهــآآ كسرنآآ قآآعدة الهلال لثآآني مررره,,,,وعقبآآل المبااراة القاادمة مع الإتحــآآد ان شااء اللــه,,, لكل الهلااليين هااردلك واللي يبي يبكــي ترى عندي كلينكس عآآش الاهلي عآآش .

جمره غلا : هذا اثبات انا افضل منكم مهاره في اللعب ,,, ومعليش معليش مع الأهلي محد يآكل عيش ,,, لاعاااد تبارونااا .

 مـرجوجـه : الحين أنا أبي أفهم شي واحد الهلال ليش قاهركم حتى وهو مهزووم منقهرين منه كبييير ياهلال والله كبيييير والوعد كاس الملك  .

صفحات سابقة : 1 ، 2 ، 3 ، 4 ، 5 ، 6 ، 7 ، 8 ، 9 .