phpMyVisites | Open source web analytics phpMyVisites

 

المنتــــــــدى من هـوونا
آخر تحديث : اليوم 1428 - تو دي (مهوب راضي يفهم انقليزي ) 2007
مهوب إشاعة...
زاوية يكتبها مصدر مسؤول سميك المستوى في كل أسبوع > البتاع

قبل كم يوم افتتحنا شات نصب لوكيشن .. بالمشاركة مع عدة مواقع .. طبعاً الشراكة مالها أي أسباب مادية .. فقط الهدف منها زيادة الزوار .. و ( دعم للمواقع الثانية ) .. ونهيب بأعضاء نصب لوكيشن التواجد يوم الخميس ليلة الجمعة من كل أسبوع .. حيث يتواجد في هذا الوقت محسن لوكيشن وملكع في لقاء مفتوح ، ويمكن تقام مسابقات ( ترى قلنا يمكن ) ..


للذهاب إلى الشات اضغط هنــا

 
 
 
الكاتب : عظيم الحب
 لقاء جنسي على قرقعة المسنجر

موضوع استوقفني كثـير وحسيت با الألم ، والحسرة على شباب وبنات ها الأيام ( اوخصـ يا الي شايل همهم ) .. وش ها الثورة الجنسية لما توصل لها الحد ، وتتعدى العقل والمعقول ، في المنطق وفي ميزان كل شي ،لو تقارن : عفيف = فاسق ، صادق = كذاب ، مجامل = صريح .. كل شي وله عكسه بكل وضوح ..بس ما توقعت انه إلي تعرضه محطات ها اليومين .. كــذا عكســـه !! ( يالبى قلب الي يعرضونهم ).. طريقه همجيه ضايع فيها كل شي يدل على إنسانية الشخص ..وعلى عقله إلي المفروض يكون موزون أكثر من كذا بكثــير ..افتح الماسنجـر .. وصاحبتك موجودة .. تبتدي بوسات مكتوبة ( اموو... ).. وأشكال تعبيريه تدعم ها الجو كله ! اللي استوقفني كثيــر انه تصير علاقة جنسيه كتابيه ! عذرنا المقاطع الجنسية والأغاني إلي فيها تعري والأفلام إلي فيها مقاطع مخلة .. بس تصير علاقة جنسيه كتابيه مع كامل الأحاسيس !!! وشو الهـدف مانيب عارف ؟! علاقة البنت والولد حطينا لها ألف عذر وألف سبب : البنت تنتقمالولد لعاب ، البنت لعابهالولد ينتقم ، بس الولد يكتب والبنت تجاوب لحد الآ... ! هذا إلي ما تقبلته ابد .. كأننا في لاسـ فيجاس .. ولا البرازيل يسلم راسكم ؟!

الكاتب : كونـــاان
 هل أنت مجرم ؟

هذي قصة طريفة وقصيرة .. بس ركزوا فيها زين لأن بالنهاية فيه سؤال .. يقول لك فيه وحدة ماتت أمها وأثناء ماهم طالعين بالجنازة كان هناك عدد من أقربائها ماشافتهم من فترة وأغلبهم ماتعرفهم .. طبعاً هالكلام في دولة أجنبية .. وشافت لها شاب جاز لها .. وفكرت أنها بعد ماينتهى العزاء .. تتقرب منه أكثر وتتزوجه أو يصير البوي فرند تبعها .. بس لما انتهى العزا اختفى الرجال .. وقعدت فترة تنتظره ولا جا .. فصارت تحضر المناسبات اللي يجتمعون فيها العائلة يمكن تحصله ولا نفع .. وبعد أسبوع قتلت أختها .. السؤال الحين : تتوقع ليش قتلتها؟ فكر وحط أول احتمال يخطر في بالك .. وبعدها اسمع هالكلام : القصة السابقة وضعها علماء نفس في استفتاء لمجموعة أشخاص .. يشوفون من اللي عنده ميول إجرامية .. فأي واحد قال أنها قتلتها عشان يحضر ذلك الشاب للجنازة .. يكون إنسان مجرم أو عنده ميول إجرامية .. لأنه يظن أن سبب تافه مثل هذا ممكن أن يجعل الإنسان قاتلاً .. وهذا ينطبق على حياته .. فهو قد يلحق أضرار كبيرة بالأخرين من أجل الحصول على شيء ( كمالي ) أو أمر قد لايتحقق مثل حضور الشاب للعزاء أو حتى زواجه بها إن حضر .. عاد كل واحد يشوف وش اختار ويحاول يروّض نفسه إذا كان من فئة المجرمين ..

 الكاتب : صديق الطبيعة  
 الفرص الذهبية !

ليلة البارحة كنت أقرأ سيرة ( بيل قيتس ) ثاني أغنى رجل في العالم ( أيه ثاني ) ويمكن كثير قروها قبلي .. بس فيه حاجة مهمة محد تطرّق لها .. حسب مايذكر ( بيل ) في مذكراته أنه بعد ماانتهى هو وخويه من تصميم برنامج ( مايكروسوفت ).. قرروا يبيعونه على شركة كنبيوترات بـ 6000 دولار .. وسافروا للمدينة اللي فيها الشركة .. لكن ولـ( حسن الحظ ) .. صاحب الشركة رفض يشتري البرنامج .. ورجعوا لديرتهم .. عاد بيل يقول لو معطينا خمستلاف كان قلنا مايخالف .. لأن ودنا نسدد فاتورة الفندق اللي كنّا فيه وندفع مصاريف دراستنا بالجامعة .. تخيلوا لو صاحب الشركة شرا البرنامج ؟ ماكان بيضره شي .. هي وحدة من الثنتين أما أنه بيربح الأرباح الطائلة اللي جناها بيل قتس من مايكروسوفت أو بيبقى زي ماهو .. والستلاف دولار هذي تلقاه يدفع أضعافها في حفلة عيد ميلاد بنته الصغيرة .. أيضاً لو انباع ذيك الأيام كان بيصير بيل قتس موظف في شركة مثله مثل غيره يستلم راتب ينتهى قبل آخر الشهر !! .. لذلك أبو قيتس الحين يتبنّى أي موهبة .. وسنوياً يسوي مسابقة لأفضل برنامج بالفيجوال بيسك ( أووه نسيت أقول أنه كان يبرمج بالبيسك وهو صغير ) .. ويشتري البرامج بأسعار خيالية ويوظف المبرمجين .. مايبي يندم مثل ماندم صاحب الشركة آنفة الذكر :يضحك: .. وعلى طاري الفرص .. هل تعلم أن مدينة نيويورك .. كانت معروضة في المزاد عام 1626 م ومحد يبي يشتريها وبالأخيرانباعت بـ 24 دولار ..

بيل قيتس .. صاحب شركة مايكروسوفت وأحد أعضاء نصب

وهذي دراهمه :فلوس: 

توزيعة مايكروسوفت .. الشركة تساوي الآن 600 مليار دولار

الكاتب : رئيس التحرير ( ترك التتن )
 صندوق بريدنا

هذي المشاركة بنظارة DHEER4EVER

واضحة الذبانة ؟

 سؤال العدد : ماهو الشيء الذي يوجد في الحُب مرة وفي الهدهد مرتين ؟

للإجابة على سؤال العدد أو إرسال مشاركة أووكبس [ هنـاااا ]

أدوات ملكع ف17

للتعليق على أي مقالة واردة في هذه الصفحة اضغط هنا  .

 

الإعلانات

موقع نصب لوكيشن أحد الداعمين لحملة المقاطعة

للإعلان هنا راسلنــا

* قصيميه :  اتوقع ان الحلاق اصلع شي اكيد مايطلع لووه ولا شعره   . ( صحح )
* Lucky : لان الحلاق كان اصلع من شان هيك نجى من الاعدام .. هع هع . ( صحح )
* !.موعود.! : شوف يبو الحبيب .. لو لاحظنا البنود الثلاثه وخصوصا البندين الاول والثاني ..نجد ان البند الثاني ابطل مفعول البند الاول ..وهو يحق لحلاق المدينه ان يحلق عند نفسه . ( خطــأ )
* دحديره : عرفت وشو ،بس الصراحه اول مره طلعلي اكثر من اجابه ،والمره 2 طلعلي انوه ،ان الحلاق في السنه الاولى كان يطول شعره في 5 اشهر نص سم ، وفي السنه الثانيه <<<<عدمووووووه ، صراحه هذا اللي فهمته ،ان شاء الله يتسون صحن معني داريه انوه بيكون (خطأ) . ( خطــأ

الكاتب : راعي مسابقات وسواليف
 إجابات سؤال العدد السابق

سؤال الحلقة الماضية : كيف نجى الحلاق من عقوبة الإعدام ؟ ( لقراءة السؤال كاملاً اذهب للصفحة السابقة )

* الإجابات :
* محسن0لوكيشن :أكيد أنه أصلع خلقة . ( صحح )
* الزين بالحيل : انا قريت القصة هذي وقالوا ان الحلاق كان اذا مشى في الظهر الناس تلبس نظارة شمسية لأن قريعته تجهر المسلمين .. انتم خابرين انعكاسات الضوء والي تحت الماء وحركات والله منيب افهمها .. الزبدة الرجال كان اعلى راسه مثل بطن رجلي .. كلها ما يطلع فيها شعر . ( صحح )
* الليدي مزنه : ممنوع اي احد يحلَق لنفسه ، يعني محد يطير لنفسه ، عادي لو الواحد حلق لنفسه . ( خطــأ )
* قلم وردي : اجابه السؤال طال عمري هي ان الحلاق اصلع مابدهاش كلام ولا تفكير ، وبكذا لاينمو شعره ولا يشنق ولا شي . ( صحح )
* اسلوبي : الحاكم ناوي الحلاق منتوف منتوف الله لايعوق لأن المعطيات متعارضه .. أعتقد ان الحلاق أصلع أو ان الحاكم مات او هون عن قراره او ان الحلاق راح يحلق في مدينة ثانيه.. بعدين من قال ان الحلاق نجا من الإعدام وهل هو ثقه ؟ ( صحح )
* سيده شابوره : الا يقدر يحلق لنفسه لانه هو حلاق المدينه وكما ذكر بسؤال ان ماينحلق الا عند حلاق المدينه وعشاان تسذا هو يقدر ( خطــأ )
* سهر الليالي : لانه صقعه او صلعه او ماله شعر . ( صحح )
* الحزن الاكيد : اعتقد والله اعلم ان البقاله مسكره والهندي مضيع المفتاح على شان كذا ودي اقول لك شي في خاطري لان الهستره عن طريق البلوتوث مفيده بعض الاحيان وعلى قولة المثل الجميل (( مايحكومشي يالدلعادي )) واعتقد لو رأيت في المثل السابق لحسيت بمعني الجمال الرباني في القصيده السابقه وعلى قولة اهل نجد ( ماطار ضب ورتفع الا كما انسدح وقع ) .. الجواب طال عمرك (شكل الحلاق اقرع على شان كذا نجي من العقوبه والله أعلم) . ( صحح
* عظيم الحب : انا اقولكـ ليشـ الحلاق ماانعدمـ لانه فيه واحدن من زباينه تركي وكل ماكان يجيه يقوله الحلاق ها تبي احلق لك احلق لي ولا ترى ها الحبل يحتريكـ . ( خطــأ
* صافي الرحيق: أكيد انه اصلع هالحلاق ،واذا له شعر اتوقع احد ،الزباين يحلق له في نفس محله . ( صحح )

صفحات سابقة : 1 ، 2 ، 3 ، 4 ، 5 ، 6 ، 7 ، 8 ، 9 ، 10