من أين وصلنا المثل الشعبي " تغدى فيه قبل يتعشى فيك " .. تقول كتب التاريخ النصبية أن هذا المثل أصله أفريقي .. وانتقل للعالم العربي مع عائلة ( محسن لوكيشن ) لما نزحوا لجزيرة العرب قبل مئات السنين .. والسالفة تحديداً صارت مع جدّه الذي كان ملكاً لبلاد الـ " لالا لولي " وهي الصومال وكينيا وغينيا وماجاورها .. وسمّيت بـ " لالا لولي " عشان تاجر عربي جاهم وأعجبتهم أمانته وأخلاقه .. فقالوا له من وين تعلمت الأخلاق الكويسة هذي ؟ .. قال لهم : من ديني .. قالوا حنّا دينّا خايس .. بالليل رقص حول والنار .. وبالنهار نتتّن .. علمنا دينك .. فعلمهم الإسلام .. وقال عشان تدخلون فيه لازم تتروشون ثم تقولون " لا إله إلا الله " فتروّش جدّ ( محسن لوكيشن ) لأول مرة من مئة سنة .. ثم قال " لالا لولي " قاصداً نطق الشهادتين .. فردد الجميع نفس الجملة " لالا لولي " .. وأطلق هذا الاسم على دولتهم .. المهم نرجع لموضوعنا وهو سالفة المثل .. في يوم من الأيام ذهب الكاهن للملك .. وقال له ( ياخادم الحرمين ) .. دولتك هذي بتنتهي خلال بضع سنوات ولن تقوم لكم قائمة .. وأنا جيت أحذرك قبل أن يقع الفأس بالرأس .. وتقول لربعك إني كاهن زلابة لم أتنبّأ بالحادثة قبل وقوعها .. فقال الملك : طيب وش السواة ؟ .. رد الكاهن : هاجر إلى جزيرة العرب .. سيخرج سائل أسود هناك يقال لهُ ( نفط ) وستبنى مملكة وفيصلية ويكون هناك شوارع للزحف والمغازل .. يعني بيفلونها أحفادك .. فقال الملك : هل سيحدث هذا فعلاً ؟ فرد الكاهن بثقة : نعم مولاي سيحدث .. ألقى الملك نظرة إلى السماء وتمتم : نفط ، مملكة ، فيصلية ؟! ثم التفت إلى الكاهن وسأل باستغراب : وماذا عن النصر ؟ ضحك الكاهن بخبث وقال : تعني العالمي ؟ قال الملك : ماغيره ! فزادت ابتسامة الكاهن ثم قال : سيقيّض الله له فريقاً يقال له الهلال يذيقه مرارة الخسارة في كل بطولة .. تمعّر وجه الملك ثم قال : هذا حديث سابق لأوانه ( شكله نصراوي )  .. وأمر الشعب بأن يحملوا خيامهم وغثاهم ويتجهزون للهجرة ..
سارت قوافل المهاجرين عن طريق السودان .. مصر .. سينا .. ولما وصلوا سينا .. خلصت المؤونة .. والناس بدأت تتضور جوعاً .. فجاء الكاهن للملك وقال له : ترى الوزير جمع أعوانه ويخطط عليك أنت وخدمك وجواريك .. يقول أنكم تاكلون وتشربون طول الطريق والشعب ذابحه الجوع .. والليلة بيقتلونك ويطبخونك عشاء .. منها يتخلصون منك ومنها يكسبون ولاء الشعب بعد الوجبة الدسمة .. قال الملك : والرأي ؟ .. رد الكاهن : " تغدى فيه قبل يتعشى فيك " .. وهذا ماحدث بالفعل .. وأكملت القافلة طريقها إلى جزيرة العرب .. واستقروا في عرعر .. وتوتة توتة .. خلصت الحتوتة ..

تخيلوا سعودي وراه بنات ويتابع المباراة باهتمام ..

رداً على المقال المنشور في العدد 12 من نصب قولدن للأخ شرير للأبد .. المعنون بـ ( أووه يالأخدرر ) .. وقوله أن البنات جايات يترزقنّ فالملعب ويعني بيترزقن أي أنهن يبن يشبكن < ( كيف الشرح ؟ ) .. أقول : هذي مشكلتنا .. إنّا نفكر بهذا الشكل .. وبناءاً عليه لو تم السماح بدخول الحريم إلى الملاعب ماراح يسلمن من التحرش بحكم إنهن جايات يدورنّه .. ليش في دول الكفار اللي ماعندهم لا دين ولا أخلاق .. يجنّ البنات مفاصيخ يشجعن ولا أحد يتعرض لهن ؟ .. حتى في دول الخليج جمبنا يشجعن البنات ويطلعن محد لمسهن .. وحنّا لو تجي وحدة عندنا للملعب بكامل حجابها تدخل لحم وتطلع عظم ؟ .. المشكلة موجودة فينا يالسعوديين .. في بيوتنا .. وفي مدارسنا .. وفي طريقة تعاملنا مع الآخرين .. لحد يقول الإعلام الهابط هو السبب .. الإعلام الهابط يتابعه السعودي والكويتي والبحريني واللبناني والفرنسي والبزرايلي وسكان المريخ وزحل وكل الكواكب والمجرات .. وماسمعنا عندهم تحرّش بالمشجعات .. بس عيالنا هم اللي يتجاوزون الحدود .. مع أن السعودي لو يمر بطريق ضيق ويلقى حرمة تقطع الشارع ... بيوخر عنها ويخلي الطريق لها حتى لو هو أدشر خلق الله ..
ليش ياسعودي ؟ ليش لو كنت لحالك ولقيت حرمة ماتقول لها شي .. وإذا في ملعب وقدام ملايين الناس تتحول لوحش ؟
السبب باختصار هو ( المهايط ) .. شبابنا أنواع المهايط .. ماهو هدفه الحصول على لمسة أو مضايقة بنت جالسة في حال سبيلها كثر مايبي يطلع قدام أخوياه على أنه (زاحف) و ( ذيب ) و ( بطل يالسنايدي ) ... إلخ .. كل واحد يرجع بذاكرته لأيام الدراسة ويشوف الأجواء المحيطة بالهوشات بعد المدرسة .. والتفحيط عند بابها.. هذي الأمور تتم بحضور مجموعة كبيرة من الشباب .. وبعد ماتنتهي يسأل المفحط أخوياه : هاه وش رايكم بالعقدة ؟ .. وبالمثل المتهاوش : شفتوا كيف لحّسته التراب ؟
التجمعات الشبابية هي أكبر أسباب المهايط التي تجعل السعودي يرقم ويتحرّش ويؤذي البنات ( ياويلي عليهن ) فيما لو سُمح لهن بالدخول إلى مدرجات الملاعب !

شوكولاته ( معصبة خخخ ) : لكل شاب سعودي شايف نفسه ومسوي فيها ومصدق نفسه ، انطم ولا يكثر واحمد ربك ان حنا بنات بلدكم صابرين على مقابلكم بهالشوارع ، وانتو بثياب االبيت ولا سروال وفانيلة ولا بلوزة النصر وبنطلون الاتحاد أكشخ واحد فيكم اللي يرقم بالبلووتوث .. الله بس يشفيكم . ( اضغط هنا لقراءة المزيد )
تعليق المحرر : هذا كان ردّ الأخت شوكولاته على حملة خلوها تعنّس .. ملاحظين كيف أسلوب العربجة ؟ ..

أغلب السعوديين والعرب يعتبرون قناة إم بي سي القناة الاولى في العالم العربي .. وعلى كثر ما أشوف هالقناة وألاحظ عليها سقطات بس على خفيف يعني سقطات ما تضيق الصدر مرة .. تضيقه شوي ( مهوب صدر ذا صار ثوب ) لكن بعد اللي شفته في الإعلان حق قناة وناسة غسلت يدي من الام بي سي ..
وأنا بصراحه ما أشرهه على راشد الماجد وقناته الفاشلة أنا أصلا غاسل يدي منه هو الثاني بعد عملية زراعة الشعر اللي سواها وهو خاف عقله الله يهديه ويشفيه دعايات في إف إم ( اشتروا شريطي وانا اغني فيكم ) حشى طقاقة مهوب فنان مابقى إلا يقول : كل اللي يشتري شريطي خياله وعليهم رزة الراية << ياروحي يابنت السواس ..
أجل شوفوا قناة وناسة ورقموا ووسعوا صدوركم وفلوها في شريط الـ ( SMS ) وحنا بدورنا كإدارة بنمشيها لكم وكنّا محنا شايفينكم .. أهم شي زودوا الرسايل وخلوا الحسابة تحسب !
والمصيبة الأكبر .. تعليم الشباب طرق جديدة في الترقيم .. حسبي الله عليه ما يدري إنّا الشعب الي أخترع المواكب ورى البنات ؟ ناقصين تعلمهم طرق جديده في الترقيم ؟!
على العموم أتمنى من ادارة الـ MBC تعدل هالخطأ غير المقصود إن شاء الله .. وتشيل إعلانات قناة راشد الطقاقة لأننا ما بعد نزعنا الحياء وفينا خير إن شاء الله .. وهذا الكلام ينطبق على أي قناة تمارس نفس هالطريقة الوضيعة للحصول على كم قرش ... الفقير إلى الله / مدمن صرقعة ..

يقول لك : هذي حرمة كاااش .. عندها دراهم وذهب واجد .. وتدسها في غرفتها زي كل الحريم خخخ .. المهم كانت بتسافر لمدة يومين .. وخلت المفاتيح عند شغالتها .. وقالت للشغالة نظفي البيت ثم قفليه وروحي لبيتكم .. عاد سافرت الحرمة .. وبعد ماراحت .. اتجهت الشغالة للغرفة ونثرت الملابس وقلبت الطاولات والكراسي .. ثم سرقت الذهب والفلوس .. وطلعت برى ثم رمت حصاه على الشباك وكسرته بشكل كافي أن يدخل لص من خلاله .. وبلغت الشرطة أن البيت انسرق .. وأول ماجاء المحقق مباشرة قال أنتي اللي سرقتي البيت! كيف عرف أنها هي ؟

للإجابة على سؤال العدد { اضغط هنا }